Bakı. Real Cəfərli - APA. İran prezidenti Həsən Ruhani növbəti təyinatını həyata keçirib. APA-nın “Mehr” xəbər agentliyinə istinadən verdiyi məlumata görə, H. Ruhani İshaq Cahangirini İranın birinci vitse-prezidenti vəzifəsinə təyin edib. İ. Cahangiri İranın eks-prezidenti Məhəmməd Xatəmi dönəmində sənaye naziri işləyib.
Qeyd edək ki, H.Ruhani bundan əvvəl Məhəmməd Nəhavandiyanı İran Prezident Administrasiyasının rəhbəri vəzifəsinə təyin edib.