Xaçmaz. Vəli Turan - APA. Bu gün Xaçmaz rayonunda bıçaqlanma faktı qeydə alınıb.
APA-nın şimal bürosunun verdiyi məlumata görə, hadisə rayonun Qobuqırağı kəndində qeydə alınıb.
1976-cı il təvəllüdlü kənd sakini Sevindik Vaqif oğlu Seyidəliyev bıçaq xəsarətləri ilə Xaçmaz Mərkəzi Rayon Xəstəxanasına yerləşdirilib. Ona qarının ön divarının kəsilmiş-deşilmiş yarası diaqnozu qoyulub. Vəziyyətinin orta ağır olduğu bildirilir.
Xəsarət alan şəxs polis əməkdaşlarına öz-özünü bıçaqladığını deyib. Hadisənin dəqiq səbəbləri Xaçmaz rayon Polis Şöbəsinin əməkdaşları tərəfindən araşdırılır.