Bakı. Şəhriyar Əlizadə - APA. Avropa İnsan Hüquqları Məhkəməsi İşgəncələrə Qarşı Azərbaycan Komitəsinin sədri, hüquq müdafiəçisi Elçin Behbudovun şikayəti ilə bağlı Azərbaycan hökuməti ilə kommunikasiyaya başlayıb. Bu barədə APA-ya hüquq müdafiəçisinin özü məlumat verib.
E. Behbudov Avropa Məhkəməsindən ona məktub göndərildiyini bildirib: “Məktubda bildirilib ki, mənim şikayətimlə bağlı Azərbaycan hökumətinə sorğu göndərilib və şikayətim icraata qəbul edilib ”.
Qeyd edək ki, 2010-cu ildə keçirilən parlament seçkilərində Mərkəzi Seçki Komissiyası (MSK) E. Behbudovun namizədliyini qeydə almayıb. Buna E. Behbudovun təqdim etdiyi imzaların saxta olması səbəb göstərilib. E. Behbudov həmin qərardan apellyasiya şikayəti versə də, məhkəmə şikayəti təmin etməyib. Ali Məhkəmə də qərarı qüvvəsində saxlayıb. Bundan sonra E. Behbudov Avropa İnsan Hüquqları məhkəməsinə şikayət edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
