APA-nın hadisə yerində olan əməkdaşının verdiyi məlumata görə, özünü 9-cu mərtəbədən atmaq istəyən şəxs Fövqəladə Hallar Nazirliyinin xilasediciləri tərəfindən xilas edilərək aidiyyəti üzrə təhvil verilib.
Faktla bağlı araşdırma aparılır.
***
12:53
Bakı. Fuad Cəfərov – APA. Bakıda naməlum kişi intihara cəhd edib.
Yasamal rayon Polis İdarəsindən APA-ya verilən məlumata görə, hadisə “Üç Tac” yaşayış binaları kimi tanınan ərazidə qeydə alınıb. Şəxsiyyəti hələlik məlum olmayan bir nəfər həmin binalardan birinin 9-cu mərtəbəsindən özünü atmaq istəyib. Hadisə yerinə Fövqəladə Hallar Nazirliyinin xilasediciləri cəlb edilib.
Hazırda intihara cəhd edən şəxslə danışıqlar aparılır. Hələlik onu fikrindən daşındırmaq mümkün olmayıb.