Bakı. Şəhriyar Əlizadə - APA. Penitensiar xidmətin və 3 saylı İstintaq Təcridxanasının əməliyyat aparatları tərəfindən müəssisəyə qadağan olunmuş əşya keçirilməsi cəhdinin qarşısı alınıb.
Bu barədə APA-ya Penitensiar xidmətin ictimaiyyətlə əlaqələr şöbəsindən bildirilib. Məlumata görə, həyata keçirilmiş əməliyyat-axtarış tədbirləri nəticəsində 3 saylı İstintaq Təcridxanasına planlı etapla daxil olan 1975-ci il təvəllüdlü, Cinayət Məcəlləsinin 234.1 maddəsi ilə təqsirli bilinərək 2 il 6 ay müddətinə azadlıqdan məhrum edilmiş məhkum Müşfiq Şərif oğlu İsgəndərovun üzərinə baxış keçirilərkən 1 ədəd “Samsung” markalı mobil telefon aparatı aşkar olunaraq götürülüb.
Fakt üzrə araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
