Bakı. Gülnar Bəşirova - APA. “RUH” Azərbaycan Jurnalistləri Müdafiə Komitəsi (AJMK) “Jurnalistlərin dostu” mükafatı laureatının müəyyənləşdirilməsi üçün müvafiq anketlər hazırlayıb və onların aidiyyatı üzrə paylanmasını təmin edib. “RUH” AJMK-nın mətbuat xidmətindən APA-ya verilən məlumata görə, qəzetlərə, jurnallara, informasiya agentliklərinə, internet media resurslarına, jurnalist təşkilatlarına, televiziya və radiolara ümumilikdə 100-dən artıq anket paylanıb və onlardan 80 faizinə cavab alınıb. Yaxın günlərdə prosesi tamamilə yekunlaşdırmaq və cavabları qruplaşdırmaq nəzərdə tutulur.
Qeyd edək ki, “Jurnalistlərin dostu” mükafatı Azərbaycan vətəndaşı olan, ölkədə söz və mətbuat azadlığı prinsiplərini müdafiə edən vəzifəli şəxslərə, ictimai və siyasi xadimlərə verilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
