Bakı. Şəhriyar Əlizadə - APA. Ədliyyə Nazirliyi Penitensiar Xidməti rəisinin mətbuat məsələləri üzrə köməkçisi Yaşar İsakov Birləşmiş Millətlər Təşkilatının işgəncələrin qarşısının alınması üzrə Alt-Komitənin (İQAT) mandatının həyata keçirilməsində qarşılaşdığı maneələr səbəbindən Azərbaycanda fəaliyyətini dayandırması haqda yayılan məlumatlara münasibət bildirib.
Y. İsakov APA-nın sorğusuna cavab olaraq deyib ki, İşgəncələrin Qarşısının Alınması üzrə BMT-nin Alt-Komitəsi (İQAT) Azərbaycanın da tərəfdar olduğu BMT-nin işgəncələrə və digər qəddar, qeyri-insani, yaxud ləyaqəti alçaldan rəftar və cəza növlərinə qarşı Konvensiyanın protokolu (OPCAT) əsasında mandatına uyğun olaraq Ədliyyə Nazirliyinin Penitensiar Xidmətinin tabeliyində olan müəssisələrə maneəsiz baş çəkib: “Baş çəkmə proqramı çərçivəsində BMT nümayəndələri Penitensiar Xidmətin Müalicə müəssisəsinə 2 dəfə, həbsxanaya, 8 saylı Cəzaçəkmə müəssisəsinə, Bakı İstintaq təcridxanasına, 2 və 3 saylı İstintaq təcridxanalarına baş çəkib, onları maraqlandıran şəxslərlə təklikdə görüşüblər. Baş çəkmələr zamanı təqsirləndirilən şəxslərin və məhkumların saxlanılma şəraiti ilə bağlı BMT nümayəndələri tərəfindən Penitensiar Xidmətə heç bir irad bildirilməyib” .
Qeyd edək ki, BMT-nin İctimai İnformasiya Departamentinin Azərbaycandakı Ofisi məlumat yayaraq bildirib ki, işgəncələrin qarşısının alınması üzrə Birləşmiş Millətlər Təşkilatının Alt-Komitəsi (İQAT) Azərbaycanın da tərəf olduğu BMT-nin İşgəncələrə və digər qəddar, qeyri-insani yaxud ləyaqəti alçaldan rəftar və cəza növlərinə qarşı Konvensiyanın fakültativ protokolu (