Bakı. Yeganə Laçınzadə - APA-Economics. Martın 29-da Bakı Fond Birjasında “Azərbaycan Beynəlxalq Bankı” ASC-nin adi adlı sənədsiz səhmlərinin yerləşdirilməsinə başlanacaq.
Birjadan “APA-Economics”ə verilən məlumata görə, emissiyanın həcmi 100 000 000,17 manat, bir səhmin nominal dəyəri 0,27 manat təşkil edir.
Yerləşdirmədə anderrayter kimi “İnterneyşnl Tranzakşn Sistem" MMC çıxış edəcək.
Hal-hazırda bankın nizamnamə kapitalı 590 mln. 192,32 min manat təşkil edir.
Yerləşdirmə başa çatdıqdan sonra, bankın nizamnamə kapitalı 16,95% artaraq 690 000 192,59 manata çatacaq.