Bakı – APA. Gürcüstan prezidenti Georgi Marqvelaşvili baş nazir İrakli Qaribaşvili tərəfindən təqdim edilən yeni hökumətin tərkibini təsdiqləməyib.
APA-nın “Novosti-Qruziya” agentliyinə istinadən yaydığı məlumata görə, dövlət başçısı bildirib ki, rahat şəraitdə Nazirlər Kabinetinin yeni tərkibini müəyyənləşdirmək üçün İ. Qaribaşviliyə və parlamentə 1 həftə vaxt verir. “Mən baş nazirə və parlamentə daha sakit şəraitdə məsləhətləşmə apararaq hökumətin tərkibini müəyyənləşdirmək imkanı verirəm. Konstitusiyanın mənə verdiyi hüquqdan istifadə edərək hökumətin yeni siyahısına imza atmağı bir həftəlik təxirə salıram”, - deyə o, söyləyib.