Ağstafa. Azər Məmmədli - APA. Ağstafada ölümlə nəticələnən yol-nəqliyyat hadisəsi baş verib. Ağstafa rayon Polis Şöbəsindən APA-nın qərb bürosuna verilən məlumata görə, hadisə oktyabrın 8-də saat 01.00 radələrində Ağstafa şəhərində baş verib. Şəhər sakini, 1991-ci il təvəllüdlü Mikayıl Nuriyevin idarə etdiyi “VAZ-2109” markalı avtomobil aşıb. Nəticədə onun özü və 3 sərnişini xəsarət alaraq xəstəxanaya yerləşdiriliblər. Yaralılardan biri, 1930-cu il təvəllüdlü Qədir Osmanov xəstəxanada ölüb.
Faktla bağlı Cinayət Məcəlləsinin 263.2 (nəqliyyatda ehtiyatsızlıqdan zərər çəkmiş şəxsin ölümünə səbəb olduqda) maddəsi ilə cinayət işi açılıb, istintaq aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
