Bakı. Cavid Zeynallı - APA. Bakı Dövlət Sirki martın 14-dən “Qızıl dördlük” adlı proqram təqdim edəcək.
Sirkin mətbuat xidmətindən APA-ya verilən məlumata görə, ilk dəfə olaraq Bakıda təşkil olunacaq proqramda Böyük Moskva, Nikulin, Çinizelli və Belarus sirklərinin 40-dan çox artistinin çıxışları olacaq.
Proqramda tamaşaçılar “Keniya boys” akrobatlar qrupu, timsahlar, şar içində motosikletçilər, “Professor Yermakovun itlər məktəbi”, ekzotik tutuquşular, atlar və dəvələr, qeyri-adi lazer və işıq effektləri, şən klounlar və digər nömrələri izləyə biləcəklər.
Proqram martın sonunadək davam edəcək.