Belçika yığmasının dünya çempionatı üçün iştirak ərizəsi müəyyənləşib. Apasport.az saytının məlumatına görə, baş məşqçi Roberto Martines 25 oyunçunun adını açıqlayıb.
Maraqlıdı ki, dəvətlilərdən 11-i İngiltərə Premyer Liqasında çıxış edir. İspaniyalı mütəxəssis Eden Azarla yanaşı, onun qardaşı Torqanı da mundiala aparmaq fikrindədi.
Çağırılanlardan 2-si Rusiyaya səfər öncəsi heyətdən çıxarılacaq.
Qapıçılar: Tibo Kurtua (“Çelsi”, İngiltərə), Matz Sels (“Anderlext”), Simon Minyole (“Liverpul, İngiltərə);
Müdafiəçilər: Tobi Alderveyreld, Yan Vertongen (hər ikisi “Tottenhem”, İngiltərə), Tomas Vermaelen (“Barselona”, İspaniya), Vensan Kompani (“Mançester Siti”, İngiltərə), Tomas Meunier (PSJ, Fransa), Loren Siman (“Los-Anceles”, ABŞ), Dedrik Boyata (“Seltik”, Şotlandiya);
Yarımmüdafiəçilər: Aksel Vitsel (“Tiançjin Quanyan”, Çin), Kevin De Bruyne (“Mançester Siti”, İngiltərə), Maruan Fellaini (“Mançester Yunayted, İngiltərə), Musa Dembele (“Tottenhem”, İngiltərə), Yuri Tilemans (“Monako”, Fransa), Yannik Karrasko (“Dalian Yifanq”, Çin), Leander Dendonker (“Anderlext”), Antoni Limbombe (“Brügge”);
Hücumçular: Romelu Lukaku (“Mançester Yunayted”, İngiltərə), Eden Azar (“Çelsi”, İngiltərə), Kristian Benteke (“Kristal Pelas”, İngiltərə), Dris Mertens (“Napoli”, İtaliya), Torqan Azar (“Borussiya”, Mönhenqladbax, Almaniya), Divok Oriqi (“Volfsburq”, Almaniya), Mişi Batşuayi (“Borussiya”, Dortmund, Almaniya).
Qeyd edək ki, Belçika yığması dünya çempionatında İngiltərə, Panama və Tunislə G qrupunda mübarizə aparacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
