Qardabani. Nizami Məmmədzadə - APA. Martın 8-də günorta radələrində azərbaycanlıların kompakt yaşadığı Qardabani rayonunun Qaracalar kəndində yanğın hadisəsi baş verib.
APA-nın Gürcüstan bürosunun məlumatına görə, Qaracalar kənd sakini Tofiq Əhmədovun 4 otaqlı evi tamam yanıb. Hadisə yerinə Tiflis və Rustavi şəhərlərindən yanğınsöndürən maşınlar cəlb edilib.
Hadisə yerinə polis və ekspertlər də gəlib. Ekspertlərin dediyinə görə, hadisəyə səbəb elektrik xəttində qısaqapanma olub. Evdəki əşyalar tamam yansa da, xəsarət alan olmayıb.
T. Əhmədov APA-ya bildirib ki, hadisə baş verən kimi Rustavi yanğınsöndürmə idarəsinə zəng olunsa da, yanğınsöndürənlər hadisə yerinə çox gec gəliblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
