Quba. Vəli Turan - APA. Ötən gün Quba rayonunda bədbəxt hadisə baş verib.
APA-nın şimal bürosunun verdiyi məlumata görə, Quba rayon sakini 2006-cı il təvəllüdlü Fərid Elxan oğlu Qədirov Qudyalçayın rayon ərazisindən keçən hissəsində batıb.
Bu gün səhər saatlarında F. Qədirovun cəsədi Fövqəladə Hallar Nazirliyinin Dövlət Sularda Xilasetmə Xidmətinin dalğıc-xilasediciləri tərəfindən tapılaraq sudan çıxarılıb və aidiyyəti üzrə təhvil verilib.
Faktla bağlı araşdırmalar davam etdirilir.