Sosial

Ana səhifə

Sosial

Azərbaycanda ali məktəblərə ixtisas seçimi bu gün başa çatır

11 avqust 2015 08:48 (UTC +04:00)

Bakı. Fərid Mirzəyev – APA. Bu gün Azərbaycanda ali təhsil müəssisələrinə tələbə qəbulu müsabiqəsində iştirak etmək üçün ixtisas seçimi başa çatır. Tələbə Qəbulu üzrə Dövlət Komissiyasından (TQDK) APA-ya verilən xəbərə görə, proses bu gün saat 00.00-da başa çatacaq.

10 avqust saat 12.00-a olan məlumata görə, ali məktəblərin I, II, III və IV ixtisas qrupları üzrə 34 749 abituriyent, V ixtisas qrupu üzrə isə 8338 abituriyent qəbul olmaq istədiyi ixtisasları öz elektron ərizəsinə daxil edərək təsdiqləyib.

İxtisas seçimini yekunlaşdırmayan abituriyentlərdən xahiş olunur ki, göstərilən vaxta qədər bu işi başa çatdırsınlar. Əks təqdirdə onlar müsabiqədə iştirak edə bilməyəcəklər.