Maliyyə

Ana səhifə

Maliyyə

«NBC Bank»ın aktivləri son bir ildə 42% artıb

05 noyabr 2012 14:31 (UTC +04:00)

Bakı. Elnur Hüseynquluyev – APA-Economics. Azərbaycanın «NBC Bank» ASC-nin aktivlərinin həcmi 2012-ci il oktyabrın 1-nə 82,726 mln. manat təşkil edib ki, bu da ötən ilin müvafiq dövrü ilə müqayisədə 42% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın məcmu kapitalı 11% artaraq 20,061 mln. manat, o cümlədən nizamnamə kapitalı 9,4% artaraq 17,934 mln. manat olub.

Bu müddət ərzində bankın cəmi müştərilərinin sayı 32% artaraq 19 617-yə, o cümlədən fiziki şəxslərin sayı 33% artaraq 19 275, hüquqi şəxslərin sayı isə 7,9% artaraq 342-yə çatıb. Bununla yanaşı, son bir ildə bank tərəfindən emissiya olunan aktiv plastik kartların sayı 9,2% artaraq 880, o cümlədən debet kartların sayı 15% artaraq 317, kredit kartlarının sayı isə 0,3% artaraq 317 ədəd olub.

Xatırladaq ki, «NBCBank» ASC 1992-ci ilin dekabrından «Ruzu» Kommersiya Bankı adı ilə fəaliyyətə başlayıb.