Amerika

Ana səhifə

Amerika

ABŞ-ın Nümayəndələr Palatası uydurma “erməni soyqırımı” barədə qətnaməni səsverməyə qoya bilər

22 dekabr 2010 01:38 (UTC +04:00)

Bakı-APA. ABŞ Konqresinin Nümayəndələr Palatasında ermənilərin uydurma “soyqırımla” bağlı qətnaməsi səsverməyə çıxarıla bilər.
APA-nın voanews.com saytına istinadən verdiyi xəbərə görə, Ağ Evin nümayəndəsi Robert Gibbs prezident Obamanın Konqresin Nümayəndələr Palatasında səsverməyə çıxarılması gözlənilən qətnamə ilə bağlı hər hansı telefon danışığı aparmadığını bildirib. Gibbs prezident Obamanın məsələ ilə bağlı mövqeyinin məlum olduğunu deyib. Ağ Evdə mətbuat konfransı zamanı prezident Obamanın Nümayəndələr Palatasının spikeri Nensi Pelozi, ya da qətnaməni dəstəkləyən hər hansı bir nümayəndə ilə onun qarşısının alınması ilə bağlı telefon söhbəti aparıb-aparmadığı haqda suala cavab verən Gibbs Türkiyə-ABŞ münasibətlərinin əhəmiyyətini vurğulayıb. O, Türkiyə və Amerika arasında münasibətlərin böyük əhəmiyyət daşıdığını deyib, lakin əlavə edib ki, prezident Obamanın məsələ ilə bağlı kiminləsə telefon söhbəti apardığını düşünmür.
Xatırladag ki, dünən Dövlət Departamentinin nümayəndəsi Filip Krouli Birləşmiş Ştatlar administrasiyasının soyqırıma dair qətnamənin əleyhinə olduğunu bildirmişdi. Brifinq zamanı müxbirlərin sularını cavablandıran Krouli “Biz bu qərara qarşı olduğumuzu artıq açıqlamışıq” deyib. Məsələnin Dövlət katibi Hillari Klintonla spiker Nensi Pelozi arasında müzakirə edilib-edilmədiyi haqda sualı cavablandıran Krouli Nümayədələr Palatası ilə əlaqə saxlanıldığını deyib.
Qətnamə konqresmenlər Adam Şiff (Kaliforniyadan demokrat), Corc Radanoviç (Kaliforniyadan respublikaçı), Frank Pollone (Nyu Cersidən demokrat) tərəfindən təqdim edilmişdir. Səsvermənin keçirilib-keçirilməyəcəyi ilə bağlı dəqiq məlumat verilmir. Bu, yanvar ayında yeni Konqres işə başlamazdan əvvəl demokratların əksəriyyətdə olduğu son iclasdır. Noyabr seçkilərindən sonra demokratlar Nümayəndələr Palatasında çoxluğu itiriblər.
Amerikada Türk-Azərbaycan icmasını təmsil edən qruplar və təşkilatlar qətnamənin səsverməyə çıxarılmasının qarşısını almaq üçün fəaliyyət aparır.