Hadisə

Ana səhifə

Hadisə

Gülər Əhmədovanın məhkəməsi iyulun 12-də davam etdiriləcək - YENİLƏNİB

Gülər Əhmədovanın məhkəməsi iyulun 12-də davam etdiriləcək - <span style="color: red;">YENİLƏNİB

08 iyul 2016 14:29 (UTC +04:00)

Bakı. Şəhriyar Əlizadə - APA. Bakı Apellyasiya Məhkəməsində keçmiş deputat Gülər Əhmədovanın apellyasiya şikayəti üzrə məhkəmə prosesi iyulun 12-də davam etdiriləcək.

APA-nın məlumatına görə, bu barədə G. Əhmədovanın vəkili Adəm Məmmədov bildirib.

Məhkəmənin bu günün ikinci yarısında qərarı elan edəcəyi gözlənilsə də, vəkilə iclasın iyulun 12-nə təxirə salındığı deyilib.

***

saat 12.09

Bakı. Şəhriyar Əlizadə - APA. Bakı Apellyasiya Məhkəməsində keçmiş deputat Gülər Əhmədovanın apellyasiya şikayəti üzrə məhkəmə prosesi başlayıb.

APA-nın məlumatına görə, iclasda vəkil Adəm Məmmədov çıxış edib. O bildirib ki, Gülər Əhmədova bir çox xəstəlikdən əziyyət çəkir: "Gülər Əhmədova 2003-cü ildə Moskvada onkoloji mərkəzdə əməliyyat olunub. Daha sonra bir neçə müalicə mərkəzində müalicə olunub".

Hakim Həsən Əhmədov bildirib ki, ərizədə Almaniyada əməliyyat olunması məsələsi qoyulub, onun Azərbaycanda müalicə olunmamasının səbəbini soruşub. G. Əhmədova isə bildirib ki, o, talassemiya xəstəliyindən əziyyət çəkir: "Burda məni əməliyyat edə bilmirlər. Çünki qan dayanmır. Deputat olanda mütəmadi olaraq gedib-gəlirdim və heç kimə də məruzə etmirdim ki, xəstəyəm".

Prokuror isə şikayətin təmin olunmamasını istəyib. Məhkəmə müşavirəyə gedib. Günün ikinci yarısında qərar elan ediləcək.

Qeyd edək ki, G.Əhmədova cərrahiyə əməliyyatı keçirməsi üçün ölkə hüdudlarından kənara çıxmasına qoyulmuş məhdudiyyətin götürülməsi barədə məhkəməyə vəsatət verib. Yasamal Rayon Məhkəməsi ərizəni təmin etməyib. Qərardan narazı qalan G.Əhmədovanın müdafiəçisi apellyasiya şikayəti verib.

Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) və 307.2-ci (cinayət barəsində xəbər verməmə və ya qabaqcadan vəd etmədən cinayəti gizlətmə, qabaqcadan vəd etmədən ağır cinayəti gizlətmə) maddələri ilə ittiham olunan G. Əhmədova Bakı Ağır Cinayətlər Məhkəməsinin hökmü ilə 3 il müddətinə azadlıqdan məhrum edilib. Bakı Apellyasiya Məhkəməsi isə G.Əhmədovaya 3 il sınaq müddəti təyin olunmaqla şərti cəza verib və o, azadlığa buraxılıb.