Bakı-APA. Ötən gün Brüsseldəki "Zaventem” beynəlxalq hava limanında terror aktı törətməkdə şübhəli bilinərək saxlanılan Nayim Laçrauinin məşhur Belçika idmançısının qardaşı olduğu açıqlanıb.
APA-nın milliyet.com.tr-yə istinadən verdiyi məlumata görə, bu barədə “Daily Mail” məlumat yayıb.
Məlumata görə, Nayim Laçraui taekvondoçu, dünya çempionatında ikinci yerin sahibi olmuş Mourad Laçrauinin qardaşıdır.
Mourad Laçraui ötən il Belçikanı Koreyada keçirilən taekvondo üzrə dünya çempionatında təmsil edib və 54 kiloqramlıq çəki üzrə gümüş medal qazanıb.
Qeyd edək ki, Belçikanın RTBF dövlət televiziyası ötən gün Brüsseldəki "Zaventem” beynəlxalq hava limanında terror aktı törətməkdə şübhəli bilinən 3-cü şəxsin saxlanması barədə məlumat yayıb.
Nayim Laçraui adlı bu şəxsin Parisdə baş verən hadisə ilə əlaqəsi olduğu ehtimal edilir.
Bundan əvvəl isə hava limanında özlərini partladaraq öldürən terrorçuların Xalid və İbrahim Əl Bakraui qardaşları olduğu açıqlanıb.
Ötən gün Brüsseldə ard-arda bir neçə terror aktı baş verib. “Zaventem” beynəlxalq hava limanında 2 və metroda baş verən partlayış nəticəsində 34 nəfər ölüb, 250 nəfər yaralanıb. Belçika hökuməti baş verən hadisəni terror aktı adlandırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
