Bakı. Aqşin Rafiqoğlu - APA-Economics. Ötən il Azərbaycanda istehlaka verilən elektrik enerjisinə görə yığımların həcmi açıqlanıb.
Bu barədə "APA-Economics"ə "Azərişıq" ASC-dən məlumat verilib.
2015-ci ildə istehlaka verilən elektrik enerjisinə görə Bakı şəhəri üzrə 98,3% yığıma nail olunub. Başqa sözlə desək, paytaxtda elektrik enerjisinə görə ödənişlərdə 1,7% borc yaranıb.
Regional elektrik şəbəkələri üzrə isə 86,6% yığıma nail olunub ki, bu da 3,4% ödənişin yerinə yetirilməməsi deməkdir.
"Görülən yenidənqurma tədbirləri nəticəsində texniki itkilər 3% azalıb. Yaxın illərdə regionlar üzrə yığım faizinin artırılaraq, Bakı şəhərinin səviyyəsinə çatdırılması, texniki itkilərin isə xeyli azaldılması nəzərdə tutulur", - deyə qurumdan bildirilib.