Bakı. Şəhriyar Əlizadə - APA. Bakıda soyğunçuluqda şübhəli bilinən şəxslər həbs edilib.
Bakı şəhər Baş Polis İdarəsindən APA-ya verilən məlumata görə, avqustun 3-də naməlum şəxslər Süleyman Rüstəm keçəsində Bakı şəhər sakini Sevdiməli Abdullayevdən 2 manat pul istəyiblər. O, pul kisəsini açdıqda isə 50 manat götürüb qaçıblar.
Nəsimi rayon Polis İdarəsi 22-ci Polis Bölməsinin əməkdaşlarının keçirdikləri əməliyyat tədbirləri nəticəsində soyğunçuluqda şübhəli bilinən Bakı sakini 1996-cı il təvəllüdlü Fərid Xasməmmədov və 1997-ci il təvəllüdlü Rüstəm Rüstəmov tutulub.
Faktla bağlı araşdırma aparılır.