Sosial

Ana səhifə

Sosial

UNEC “Best Performance” sertifikatına layiq görülüb - FOTOSESSİYA

UNEC “Best Performance” sertifikatına layiq görülüb - <span style="color: red;">FOTOSESSİYA

12 oktyabr 2015 13:55 (UTC +04:00)

Bakı-APA. Azərbaycan Dövlət İqtisad Universiteti (UNEC) 9-cu Azərbaycan Beynəlxalq Təhsil və Karyera sərgisinin “Best Performance” sertifikatına layiq görülüb.

UNEC-dən APA-ya bildirilib ki, mükafat universitetə sərgidə ən yaxşı təqdimata görə verilib.

Dünyanın 16 ölkəsindən 130-dan çox ali təhsil müəssisəsinin qatıldığı sərgidə UNEC “Best Performance” sertifikatına layiq görülən yeganə universitetdir. UNEC sərgidə əsasən dörd yeni təqdimatla diqqəti çəkib – London Universiteti / London İqtisadiyyat Məktəbinin (LSE) bakalavr proqramı, ikili diplom proqramları, Beynəlxalq İqtisadiyyat Məktəbi və elektron universitet layihəsi. UNEC-in Mevlana və Erasmus+ proqramları, təkrar ali təhsil, yenidənhazırlanma təhsil və əcnəbilərin qəbulu prosesində elektron qaydaların tətbiqi, 4 dildə tədris imkanlarının olması, 21 ixtisas üzrə təhsil, MBA proqramı, Karyera Mərkəzinin fəaliyyəti, korporativ sektorla geniş əlaqə, məzun yarmarkalarının keçirilməsi sərgi iştirakçılarının marağına səbəb olub.

Qeyd edilib ki, 2014-cü ildə keçirilən 8-ci Azərbaycan Beynəlxalq Təhsil və Karyera sərgisində UNEC-in stendi dolğun informasiyanın əks olunması və xarici görünüşünə görə “Ən Yaxşı Universitet Təqdimatı” sertifikatına layiq görülüb.