Bakı. Şəhriyar Əlizadə - APA. Azərbaycan Dövlət Neft Şirkəti (ARDNŞ) Qaradağ rayon icra Hakimiyyətini məhkəməyə verib.
APA-nın məlumatına görə, ARDNŞ icra hakimiyyəti tərəfindən Stella Sadıqovanın adına verilmiş sərəncamın etibarsız hesab edilməsi barədə iddia ilə 1 saylı Bakı İnzibati-İqtisad Məhkəməsinə müraciət edib. Lakin məhkəmə iddianı təmin etməyib. Həmin qərardaddan verilən apellyasiya şikayəti də təmin edilməyib. Bundan sonra ARDNŞ kassasiya şikayəti ilə Ali Məhkəməyə müraciət edib. Yanvarın 13-də Ali Məhkəmə tərəfindən şikayətə baxılacaq.