Tovuz. Azər Məmmədli – APA. Tovuz rayonunda dəm qazından zəhərlənmə faktı qeydə alınıb.
APA-nın qərb bürosunun verdiyi məlumata görə, rayonun Qazqulu kənd sakini, 1995-ci il təvəllüdlü Bənövşə Hüseynova dəm qazı ilə zəhərlənmə əlamətləri ilə Tovuz Mərkəzi rayon xəstəxanasına yerləşdirilib. Ona dərhal tibbi yardım göstərilib. Vəziyyətinin normal olduğu bildirilir. Məlumata görə B. Hüseynova yaşadığı evin vanna otağında olarkən dəm qazından zəhərlənib.