Bakı. Şəhriyar Əlizadə - APA. Nəsimi rayon Məhkəməsində narkotik vasitə əldə etməkdə və saxlamaqda təqsirləndirilən Fuad Nəcəfovun cinayət işi üzrə məhkəmə prosesi başa çatıb.
APA-nın məlumatına görə, məhkəmənin hökmü ilə F. Nəcəfovun barəsində bəraət hökmü çıxarılıb. O, məhkəmə zalından azadlığa buraxılıb.
Qeyd edək ki, F. Nəcəfov Cinayət Məcəlləsinin 234.1-ci (satış məqsədi olmadan narkotik vasitə əldə etmə və saxlama) maddəsinə əsasən ittiham olunub.
Məhkəmə hökmündən narazı qalan dövlət ittihamçısı hökmdən apellyasiya protesti verib. Protestə Bakı Apellyasiya Məhkəməsində baxılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
