ABŞ dövlət katibi Marko Rubionun vəzifəsindən istefa verə biləcəyi barədə yayılan məlumatlar həqiqəti əks etdirmir.
APA xəbər verir ki, bu barədə ABŞ Dövlət Departamentinin ictimaiyyətlə əlaqələr və mətbuat üzrə dövlət katibinin köməkçisi Dilan Conson “X” hesabında paylaşım edib.
O, “The Independent” qəzetinin Rubionun 2028-ci il prezident seçkilərində iştirak etmək üçün administrasiyadan ayrılmağa hazırlaşdığı barədə məlumatını əsassız adlandırıb.
“Bu, uydurma anonim mənbələrə əsaslanan, tamamilə əsassız saxta xəbərdir”, – Conson bildirib.
Qeyd edək ki, “The Independent” respublikaçıların aralıq seçkilərdə məğlubiyyətindən sonra Rubionun Donald Tramp administrasiyasından ayrılmağı nəzərdən keçirdiyini yazıb.
Lakin nə Rubio, nə də Ağ Ev onun istefası ilə bağlı rəsmi qərar açıqlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
