Bakıda körpə ölümü baş verib.
Sabunçu rayon Polis İdarəsindən APA-ya verilən məlumata görə, hadisə 3 saylı şəhər Klinik Xəstəxanasının doğum şöbəsində qeydə alınıb.
Dünən doğulan körpə naməlum səbəbdən bu gün dünyasını dəyişib.
Faktla bağlı hüquq-mühafizə orqanları tərəfindən araşdırma aparılır.
3 saylı şəhər Klinik Xəstəxanasının doğum şöbəsindən isə APA-ya bildirilib ki, bu gün xəstəxanada ölən körpə 750 qramlıq yeni doğulmuş olub.
"Evdə doğuş olub və 750 qramlıq körpə xəstəxanaya ölü vəziyyətində gətirilib. Aparılan tibbi yardımlara baxmayaraq körpə ölüb", - deyə xəstəxanadan bildirilib.