Yanvarın 19-da Berlində Liviya ilə bağlı sammit keçiriləcək.
APA-nın “Reuters”ə istinadən verdiyi xəbərə görə, bu barədə sammitin hazırlıq müzakirələrində iştirak edən rəsmi şəxslər məlumat verib.
Eyni zamanda, Türkiyə Prezidenti Rəcəb Tayyib Ərdoğan yanvarın 19-da Berlinə bir günlük səfər edəcək. Səfərin detalları açıqlanmayıb.
Qeyd edək ki, daha əvvəl Almaniya kansleri Angela Merkel yanvarda Berlində Liviya ilə bağlı görüşün keçiriləcəyini bəyan edib.