Bakı. Fuad Cəfərov – APA. Abşeronda bıçaqlanma hadisəsi törədən şəxs tutulub.
APA-nın Daxili İşlər Nazirliyinin saytına istinadən verdiyi məlumata görə, avqustun 26-da Abşeron rayonunun Nübar qəsəbəsindən Xırdalan şəhər sakini Zaur Mədətov kəsilmiş-deşilmiş xəsarətlə xəstəxanaya gətirilib.
Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş qəsəbə sakini İsmayıl Nəsibov tutulub.
Abşeron Rayon Polis İdarəsi tərəfindən araşdırma aparılır.