Bakı-APA. İraqda hərbi obyektlərin yaxınlığında iki avtomobilin partladılması nəticəsində azı 21 hərbçi həlak olub. APA-nın “RİA Novosti”yə istinadən verdiyi xəbərə görə, bu barədə İraq ordusunun nümayəndəsi bildirib.
Məlumata görə, terrorçu-kamikadzelər tərəfindən idarə olunan iki avtomobil Əl Faluca şəhərinin yaxınlığında hərbçilərin blok-postlarına çırpılıb.
Partlayışlar nəticəsində İraq ordusunun və könüllülər dəstəsinin döyüşçüləri həlak olub, 24 nəfər yaralanıb.
Partlayışlara görə məsuliyyəti hələlik heç bir qruplaşma öz üzərinə götürməyib.
İyulun 22-də Əl Faluca şəhərinin yaxınlığında törədilən analoji terror aktları nəticəsində 22 hərbçi həlak olmuşdu.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
