2016-cı ildə dünya üzrə aviadaşıyıcıların xidmətindən 3,7 mlrd. sərnişin istifadə edib ki, bu da yeni rekord olub. "APA-Economics" xəbər verir ki, bu barədə Beynəlxalq Mülkü Aviasiya Təşkilatının (ICAO) yaydığı məlumatda deyilir.
Qeyd edilir ki, 2016-cı ilin yekunlarına görə əldə olunan göstərici 2015-ci illə müqayisədə 6% çoxdur.
Ötən il 35 mln. uçuş qeydə alınıb ki, bu da 2015-ci illə müqayisədə 6,3% artıqdır. Beləliklə, ötən il səfər edən turistlərin yarısı hava nəqliyyatından istifadə edib.
Ümumilikdə, bu sektorda daşımaların 36%-i (2015-ci illə müqayisədə 6,3% artım) Avropanın, 29%-i (8%-lik artım) Asiya-Sakit okean bazarının, 15%-i Yaxın Şərqin (11,2%-lik artım), 13%-i Şimali Amerikanın (3,5%-lik artım) payına düşür.
Ötən il aviaşirkətlərin ümumi əməliyyat gəlirləri 60 mlrd. dollar olub. 2015-ci ildə bu göstərici 58 mlrd. dollar idi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
