Bakı. Şəhriyar Əlizadə - APA. Bakıda bir nəfərin xəsarət alması ilə nəticələnən yol qəzası törədən sürücünün kimliyi aşkarlanıb.
APA-nın Daxili İşlər Nazirliyinin saytına istinadən verdiyi məlumata görə, Binəqədi rayon Polis İdarəsi 6-cı Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində sentyabrın 6-da Ayşən Quliyevanın xəsarət alması ilə nəticələnən yol-nəqliyyat hadisəsinin “KİA” markalı avtomobilin sürücüsü - Bakı şəhər sakini Tamilla Məlikova tərəfindən törədilməsi müəyyən edilib.