Nyu-Yorkda “Lufthansa” aviaşirkətinə məxsus sərnişin təyyarəsi təcili eniş edib.
APA-nın RİA Novosti agentliyinə istinadən verdiyi məlumata görə, Hyuston-Frankfurt marşrutu ilə uçan təyyarə telefon hədələri ilə bağlı Nyu-Yorkun JFK aeroportuna yönəldilib.
Sərnişinlər təyyarəni tərk edib. Ehtiyat zolağına aparılan təyyarə mütəxəssislər tərəfindən yoxlanılır.