Xəbərlər

Səfir Abbasəli Həsənov: “Azərbaycan-Tacikistan hökumətlərarası komissiyasının iclası...”

16:45

8 iyul 2014

"Azərbaycan Tacikistan hökumətlərarası müştərək komissiyasının birgə iclasının payızda keçirilməsi nəzərdə tutulur. İclasın Düşənbə şəhərində keçirilməsi planlaşdırılır”. Bu fikirləri APA TV-yə açıqlamasında Azərbaycanın Tacikistandakı səfiri Abbasəli Həsənov bildirib. Onun sözlərinə görə, ölkələrimiz arasında hidroenergetika, sənaye, kənd təsərrüfatı və s. sahələrdə əməkdaşlığı genişləndirmək üçün böyük potensial var.

" Azərbaycan bu sahələrdə böyük təcrübəyə malikdir. Hər iki ölkənin özəl sektorları arasında sıx əlaqələr var. Ticarət dövriyyəsi bəzi amillərdən asılıdır. Əsasən alüminium istehsalı və satışı sahəsində sıx əməkdaşlıq edirik. Hazırda dünya bazarında alüminiumun qiyməti aşağı olduğundan bu, ticarət dövriyyəsinin azalmasına təsir edib".

İki ölkə arasında siyasi, iqtisadi, dağ-mədən sənayesi, sərmayələr, nəqliyyat, təhsil və təlim sahəsində əməkdaşlığın inkişaf etdirilməsi bundan sonra da davam etdiriləcək: "Ölkələrimizin malik olduğu potensiala uyğun olaraq, ticarət əlaqələrinin genişləndirilməsi istiqamətində səylər artırılacaq".