Xəbərlər

Ermənistan əhalisinin 43,3 faizi ölkəni tərk etməyə hazırlaşır - SORĞU

15:35

4 avqust 2014

Ermənistan əhalisinin 43,3 faizi potensial mühacirdir. Bu rəqəmi Ermənistanda fəaliyyət göstərən “Sosiometr” mərkəzinin rəhbəri Aqaron Adibekyan açıqlayıb. Ölkənin 100 yaşayış məntəqəsində 4400 vətəndaş arasında keçirilən sorğunun nəticəsinə görə, ölkəni tərk etmək əhval-ruhiyyəsi c Kotayk, Araqatsotn, Şirak, Vayots Dzor vilayətlərində daha yüksəkdir. Kotaykda yaşayan əhalinin 61,5 faizi, Araqatsotn və Şirakda yaşayanların tam yarısı ölkəni tərk etmək arzusundadır. Maraqlıdır ki, Araqatsornda 8,9 faizi və Şirakda 7,7 faizi artıq ölkəni tərk etməyə hazırlaşır. Paytaxt İrəvanda yaşayanların 39 faizi də potensial emmiqrantdır və İərvan sakinlərinin 7 faizi artıq ölkəni tərk edəcəyi günü dəqiqləşdirdiyini deyib. Sorğunu keçirən mərkəzin rəhbəri Adibekyan bildirib ki, ölkə əhalisi yol xərci tapan kimi Ermənistanı tərk edəcək.

Sosioloq bu durumun çətin sosial-iqtisadi durumdan qaynaqlandığını deyib. Sorğu onu göstərir ki, 11 faiz respondent dolanışıq üçün vasitəni xaricdən alır. Aqaron Adibekyanın sözlərinə görə, pul qazanmaq üçün ölkədən çıxmaq ənənəsi yarımçıq ailələrin sayını artmasına səbəb olur.

Qeyd edək ki, rəsmi rəqəmlərə görə, bu ilin ilk yarısında Ermənistanı 85900 nəfər tərk edib.