Xəbərlər

Gəncə sakini özünü 3-cü mərtəbədən atdı - İNTİHARA CƏHD

10:19

2 yanvar 2014

Gəncə sakini intihara cəhd edib. Fövqaladə Hallar Nazirliyindən verilən məlumata görə, Kəpəz rayon sakini intihara cəhd məqsədi ilə yaşadığı binadan özünü atmaq istəyib. Dərhal Fövqəladə Hallar Nazirliyinin Gəncə Regional mərkəzinin Xüsusi Xilasetmə Hissəsinin və Dövlət Yanğından Mühafizə Xidmətinin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, həmin şəxs dördmərtəbəli yaşayış binasının 3-cü mərtəbəsindən özünü atmaq istəyir. Aparılmış psixoloji danışıqlara baxmayaraq, o, özünü yerdə quraşdırılmış xilasetmə yastığının yox, 1-ci mərtəbədə yerləşən mağazanın dam örtüyünün üzərinə atıb və xəsarət alıb, xilasedicilər təhlükəsizlik qaydalarına riayət etməklə xəsarət almış vətəndaşı oradan endirib və aidiyyəti üzrə təhvil veriblər.