Xəbərlər

Azərbaycanda hind toyuğu əti istehsal olunacaq

17:12

8 yanvar 2014

Azərbaycanda ilk dəfə Şəki rayonunda sənaye quşçuluğunun yaradılması nəzərdə tutulur. Ölkədə ərzaq bolluğunun yaradılması barədə Dövlət Proqramından irəli gələn məsələlərin həlli məqsədi ilə İsraildən gələn bir qrup iş adamı Şəkidə rayon rəhbərliyi və müvafiq təşkilatların nümayəndələri ilə görüş keçirib. APA TV-nin xəbərinə görə, ölkədə ilk dəfə yaradılması nəzərdə tutulan layihə nəticəsində illik gücü 5 min tondan artıq olan hind toyuğu əti istehsal olunacaq.

Layihənin kordinarotu Karmi Elbert deyib ki, layihənin artıq 70 faizi üzərində iş yükunlaşıb. Bu baxımdan Şəki olduqca əlverişli iqlimə və yem ehtiyatına malikdir.

Bildirilib ki, sənaye kompleksinin yaradılması xüsusən bölgədə fəaliyyət göstərən fermerlərə istehsal etdikləri dənli bitkiləri, taxıl, arpa və qarğıdalını bu müəssəyə satmaqla öz maddi imkanlarını genişləndirmək imkanı yaradacaq.