Xəbərlər

ABŞ prezidentinə atəş açan şəxs azadlığa çıxır

11:30

2 iyun 2022

ABŞ-ın sabiq prezidenti Ronald Reqana atəş açmış şəxs iyunun 15-də azadlığa çıxa bilər.

APA TV xəbər verir ki, hadisə 1981-ci il martın 30-da baş verib. Nyu-Yorkda oteldən çıxan prezidentə atılan güllə zirehli avtomobilə dəydikdən sonra sıçrayaraq dövlət başçısının ürək nahiyəsinə dəyib. Hücum zamanı daha 3 nəfər yaralanıb. Mühafizə xidməti hadisəni törədən Con Hanklini tutub.

Hazırda 67 yaşı olan Hankli o zaman məhkəmənin hökmü ilə məcburi psixi müalicəyə cəlb edilib, polisin nəzarətində şəhərdən kənarda yaşamağa göndərilib. Ona Reqanın yaxınları ilə danışmaq qadağan edilib.

Məhkəmənin son qərarında göstərilir ki, müalicə nəticəsində onun psixi sağlamlığı qaydasına düşüb və sərbəst hərəkət edə bilər.