Xəbərlər

Aldığımız məhsul keyfiyyətlidir ya yox? - NECƏ ÖYRƏNƏK

17:22

4 mart 2022

“Bu qanun AQTA-ya yeni səlahiyyətlər vermir, hazırda həyata keçirdiyimiz səlahiyyətləri beynəlxalq standartlara uyğunlaşdırır”.

APA xəbər verir ki, bunu Milli Məclisin bu gün keçirilən iclasında Azərbaycan Respublikasının Qida Təhlükəsizliyi Agentliyinin (AQTA) sədri Qoşqar Təhməzli deyib.

O bildirib ki, qida təhlükəsizliyinə nəzarətə son məhsulun keyfiyyətinə nəzarət kimi baxılır: “Amma qanun qəbul olunandan sonra məhsul istehsalının bütün mərhələlərində nəzarət həyata keçiriləcək. Qanunda ən əsas məqam yem təhlükəsizliyi məsələsidir. Bundan öncə qida məhsulları üzərində dövlət nəzarəti və sonra yem üzərində nəzarət və qeydiyyat məsələlərinə baxılırdı. Amma artıq qanun heyvan yemində olan məhsullara da bütövlükdə nəzarəti həyata keçirmək imkanı verəcək. Eyni zamanda qida məhsullarının izlənməsi ilə bağlı məsələ də var. Bu məsələdə çox ciddi nəticə əldə edəcəyik. Artıq hər hansı qidanın təhlükəsizliyində hər hansı problem baş verərsə, izləmə prosesi nəticəsində problemin ilk mənbəyinə çıxa biləcəyik”.