Xəbərlər

Ana 1 yaşlı oğlunu öldürmək istədi

18:34

8 avqust 2022

Ucarda ana doğma uşağını öldürmək istəyib. APA TV-nin yerli bürosunun xəbərinə görə, rayonun Rəstəcə kənd sakini Fuad İldırım oğlu Hüseynov ərizə ilə rayon polis şöbəsinə müraciət edərək, həyat yoldaşı Cəlalə İsmayılovanın 7 aylıq doğma oğlunu öldürmək istədiyini bildirib. Ata iddia edib ki, həyat yoldaşı özünün istifadə etdiyi dərmanı uşağa verərək onu zəhərləmək istəyib. Kənddə çəkiliş apardığımız vaxt məlum oldu ki, cütlük təxminən 1 il əvvəl evlənib və bu evlilikdən Uğur adlı oğlan uşağı dünyaya gəlib. Ailədə heç vaxt münaqişə olmayıb. Yaxınları Cəlalə İsmayılovanın öz doğma oğlunun dodaqlarına dərman sürtərək onu zəhərləmək istəməsinə səbəb kimi qadının psixoloji probleminin olmasını göstərirlər. Qeyd edək ki, rayon polis şöbəsi faktı təsdiqləyib. Fuad Hüseynov adlı şəxsin müraciəti aidiyyəti üzrə araşdırılması üçün rayon prokurorluğuna göndərilib.