Xəbərlər

Azərbaycanda mexaniki minatəmizləmə maşınlarının sayı artırılır

14:25

28 aprel 2022

Azərbaycan Respublikasının Minatəmizləmə Agentliyi (ANAMA) işğaldan azad olmuş əraziləri ermənilərin basdırdığı minalardan təmizləmək üçün mexaniki minatəmizləmə maşınlarının sayını artırır.

APA TV-nin məlumatına görə, mina və partlamamış hərbi sursatlardan (PHS) təmizləmə əməliyyatlarını sürətləndirmək üçün Xorvatiyanın DOK-İNG şirkətinin istehsalı olan MV-10 və MV – 4 mexaniki minatəmizləmə maşınları alınıb. Şirkətlə bağlanmış müqaviləyə əsasən ümumi olaraq 11 ədəd xüsusi təyinatlı minatəmizləmə maşınının ölkəyə gətirilməsi nəzərdə tutulub. Artıq qeyd edilən maşınlardan 10 ədədi Agentliyə təhvil verilib, 1 mexaniki vasitənin isə cari ilin ilk yarım illiyinədək çatdırılması planlaşdırılır.

Qeyd edək ki, Humanitar minatəmizləmə işlərinin aparılması üçün istifadə edilən MV-10 maşınları 3000 metrə qədər məsafədən pult ilə idarə olunur. MV – 4 maşınları üzrə bu məsafə 1500 metr təşkil edir. Maşınlar böyük meyl bucağı və sərt torpaq örtüyü olan ərazilərdə rahat idarə edilir.

Habil Aslanoğlu, Ziya İsmayılov, APA TV, Füzuli