Xəbərlər

Boşanmağa hazırlaşan arvadını ata evində bıçaqladı – İMİŞLİDƏ AİLƏ FACİƏSİ

23:36

18 iyun 2022

İmişli sakini arvadını və özünü bıçaqla qətlə yetirib. APA TV-nin Mil-Muğan bürosunun məlumatına görə, hadisə gecə saat 1 radələrində, İmişli şəhəri 28 may küçəsində yerləşən fərdi yaşayış evində baş verib.

Belə ki, gecə saat 1 radələrində İmişli rayonunun Yalavac kənd sakini, 1983-cü il təvəllüdlü Əhmədov Mehbalı Xanoğlan oğlu keçmiş həyat yoldaşı 1988-ci il təvəllüdlü Mustafayeva Turan Vaqif qızınının ata evinə gəlib və ona 9 bıçaq zərbəsi endirərək qətlə yetirib. Cinayəti törətdikdən sonra Mehbalı Əhmədov özünü də bıçaqlayıb. Sonuncu aldığı bıçaq xəsarətlərindən səhər saat 5 radələrində qanaxmadan dünyasını dəyişib.

Qeyd edək ki, Mehbalı Əhmədov və Turan Mustafayeva evli olduqları müddətdə bir-neçə dəfə ayrılıb barışıblar. Sonuncu dəfə məhkəməyə müraciət edən Turan Mustafayevanın boşanma prosesi məhkəmənin icraatında olub. Onların birgə nigahından bir övladları da var.

Faktla bağlı İmişli rayon prokuroluğunda araşdırma aparılır.