Xəbərlər

Erməni nazir qızların xidmət şərtlərini açıqladı

15:47

30 may 2023

Ermənistanda yeni qanunun qəbulundan sonra 18 yaşdan 27 yaşa qədər olan qadınlar hərbi xidmət üçün müraciət edə biləcəklər.

Bunu “Hərbi vəzifə və hərbi qulluqçunun statusu haqqında” və “Müdafiə haqqında” qanunlara müvafiq dəyişikliklərlə bağlı danışan müdafiə naziri Suren Papikyan deyib. Qadınlar üçün hərbi xidmət könüllü əsaslarla olacaq.

Təklif olunan düzəlişlərə əsasən, qadınlar üçün xidmət müddəti 6 ay olacaq, bundan sonra onlar 1 milyon dram məbləğində birdəfəlik ödəniş alacaqlar. Əgər qadın hərbçi səhhətinə görə erkən tərxis olunarsa, bu məbləğ 6 aya bölünəcək. Əsgərlər xidmət zamanı müəyyən maaş alacaq.

Nazir qeyd edib ki, hazırda təlimlər üçün nəzərdə tutulmuş hərbi hissələrdən birinin ərazisində xüsusi kazarma tikilir. Burada qadın hərbi bölmələri yerləşdiriləcək.