Xəbərlər

Gəncə sakininin yararsız tikilidə gizlətdiyi “xəzinə” tapıldı

14:22

5 yanvar 2023

Gəncədə qanunsuz narkotik saxlamaqda şübhəli bilinən qadın saxlanılıb.

Gəncə Şəhər Baş Polis İdarəsi 2-ci Polis Şöbəsinin əməkdaşlarının keçirdikləri əməliyyat nəticəsində qanunsuz olaraq narkotik vasitə əldə edib saxlamaqda şübhəli bilinən şəhər sakini Diana Mehdiyeva saxlanılıb. Onun üzərinə baxış keçirilən zaman 5.54 qram narkotik vasitə olan “marixuana” aşkar edilib. Saxlanılan şəxsin ətrafında davam etdirilən əməliyyat nəticəsində şəhər ərazisindəki istifadəyə yararsız tikilidə gizlətdiyi 6 torbada ümumi çəkisi 36 kq 745 qram “marixuana” da aşkar edilərək götürülüb.

Götürülən maddi sübutlar müvafiq ekspertizaya təqdim edilib, faktla bağlı cinayət işləri başlanılıb, araşdırmalar davam etdirilir.