Göyçayda qara maskalılar "E-manat" aparatını apardı
Göyçay rayonunda oğurluq hadisəsi baş verib.
APA TV-nin yerli bürosunun xəbərinə görə 3 nəfər naməlum şəxs gecə saatlarında Göyçay şəhərinin Natavan küçəsində yerləşən, sahibkar Abdul Zülfüqarova məxsus "Ayan" marketə daxil olaraq soyğunçuluq ediblər. Üzlərində maska və əllərində əlcək olan oğrular əvvəlcə mağazanın elektrik sayğacının və oradakı müşahidə kameralarının fəaliyyətini dayandırıblar. Sonra mağazanın kiçik pəncərəsini və qapısını dəmir alətlə sındıraraq içəri daxil olan şəxslər oradakı "E-manat" aparatını sındıraraq onun içərisindəki 32 min manat pulu götürüblər. Naməlum şəxslər mağazadan dəyəri 200 manat olan siqaretləri və kassasında olan 150 manat pulu oğurlayaraq qaçıblar. Onların törətdiyi oğurluq əməli yaxınlıqdakı obyektlərin müşahidə kamerasına düşüb. Hadisə yerinə polis əməkdaşları gəlib, araşdırmalara başlanılıb.
Qeyd edək ki, iki gün öncə Göyçay şəhərinin M.Ə.Rəsulzadə küçəsində sahibkar Cəbrayıl Abakarova məxsus "Yaqut" zərgərlik mağazasına daxil olan silahlı və maskalı şəxslər oradan 60 min manatlıq qızıl-zinyət əşyaları oğurlayıblar.
Məsələ ilə bağlı Daxili İşlər Nazirliyinin Mətbuat Xidmətinin Şəki regional qrupunun baş inspektoru Mahir Məsimov APA TV-nin yerli bürosunun sorğusuna cavab olaraq bildirib ki, hər iki hadisədə əli olan şəxslərin tutularaq istintaqa təhvil verilməsi üçün əməliyyat-axtarış tədbirləri davam etdirilir. Faktla bağlı Göyçay rayon Polis Şöbəsi tərəfindən araşdırma aparılır.
Şahnəzər Bəşirov
DİGƏR XƏBƏRLƏR
![Valideynlər narkomaniyaya düçar olan övladını necə tanısın? – APA TV](https://apa.az/storage/apa-tv/news/2024/july/02/big/6684412821d6e6684412821d6f17199434646684412821d6b6684412821d6c.jpg)
Valideynlər narkomaniyaya düçar olan övladını necə tanısın? – APA TV
![Taksilərin sayı azaldı, minimum qiyməti isə 4.50 AZN oldu](https://apa.az/storage/apa-tv/news/2024/july/01/big/6682be55512976682be555129817198444376682be55512956682be5551296.jpg)
Taksilərin sayı azaldı, minimum qiyməti isə 4.50 AZN oldu
![Taksi fəaliyyətində istifadə olunacaq avtomobillərlə bağlı yeni qərar qüvvəyə mindi](https://apa.az/storage/apa-tv/news/2024/july/01/big/66823df42a73f66823df42a740171981157266823df42a73d66823df42a73e.jpg)
Taksi fəaliyyətində istifadə olunacaq avtomobillərlə bağlı yeni qərar qüvvəyə mindi
![Gəncədə ağır yol qəzası baş verib](https://apa.az/storage/apa-tv/news/2024/july/01/big/66823dae71e8766823dae71e88171981150266823dae71e8566823dae71e86.jpg)