Xəbərlər

“Hazırda zəzərçəkmişlərlə bağlı müraciətlər çoxdur” - Səfirliyimizdən APA TV-yə açıqlama

16:29

6 fevral 2023

6 fevral 2023-cü il tarixində Türkiyənin Kahramanmaraş və ətraf vilayətlərində baş vermiş zəlzələ ilə bağlı Azərbaycan Respublikasının Türkiyə Respublikasındakı Səfirliyində, eləcə də İstanbul və Qars şəhərlərindəki Baş Konsulluqlarında Operativ Qərargahlar yaradılıb.Bu barədə APA TV-yə XİN-dən məlumat verilib.

Türkiyədəki səfirliyimizdən APA TV-yə verilən məlumata görə, hazırda rəqəm açıqlanmasa da, dağıntılar altında azərbaycanlılar da var.

Qeyd edək ki, zəlzələdən zərər çəkmiş Azərbaycan vətəndaşları və onların yaxınlarından +905355776168 nömrəsi vasitəsilə səfirliyimizlə, +905366138648 nömrəsi vasitəsilə İstanbuldakı Baş Konsulluğumuzla, +905527801418, +905075893011 nömrələri vasitəsilə isə Qarsdakı konsulluğumuzla əlaqə saxlamaları xahiş olunur.

Onu da qeyd edək ki, gecə saatlarında Türkiyənin Kahramanmaraş bölgəsində 7,4 bal, Qaziantepdə isə 6,5-6,4 bal gücündə zəlzələ baş verib. Təbii fəlakət zamanı Malatya, Diyarbakır, Adana, Hatay, Kilis və Osmaniye vilayətlərində binalar dağılıb.