Xəbərlər

"Heç bir yəhudi bu ölkələrə gələrkən özünü təhlükəsiz hiss etməyəcək" – Ermənilərdən təhdid

18:41

6 oktyabr 2023

"Ermənistanın Azadlığı Naminə Erməni Gizli Ordusu" adlı terror təşkilatının gənclər qanadı bütün dünyada yəhudiləri yeni hücumlarla hədələyir. Bu barədə “caliber” saytı məlumat yayıb. Bildirilib ki, təşkilat oktyabrın 3-də İrəvanda yerləşən sinaqoqa vəhşicəsinə hücum edib. Bəyanat yayan təşkilat bildirib ki, tezliklə daha genişmiqyaslı əməliyyatlar olacaq.

“İlk hücum İrəvandakı Dünya Yəhudi Mərkəzinə qarşı uğurlu əməliyyat oldu. Yəhudilər Ermənistan dövlətinin və erməni xalqının andlı düşmənləridir. Bu xəbərdarlıqdır: İrəvanda oktyabrın 3-də uğurlu əməliyyatımız hələ başlanğıcdır. Hər bir ravvin bizim baxış sahəmizdə olacaq", deyə təşkilatının bəyanatında deyilir.

Bəyanatda o da qeyd olunub ki, ASALA birbaşa olaraq Avropa, Amerika, Kanada və Gürcüstanda da israilli yəhudilərə qarşı müharibə elan edəcək.

Qeyd edək ki, təşkilat üzvləri oktyabrın 3-də İrəvandakı yəhudi məbədənin şüşələrini qırıb, divarlarına qırmızı maye töküb videoya çəkiblər. ASALA təşkilatı həmin videonu sosial şəbəkə hesablarında paylaşıblar.

Fuad Sadıqov

APA TV