Xəbərlər

İki avtomobil toqquşdu, 2 nəfər öldü

12:30

20 aprel 2023

Bərdədə yol qəzası olub.

Həsənqaya kəndi ərazisində 2000-ci il təvəllüdlü Əzizov Feruz Raqub oğlunun idarə etdiyi "VAZ 21099" markalı avtomobil ilə 1993-cü il təvəllüdlü Sultanlı Əziz İlqar oğlunun idarə etdiyi "VAZ 21011" markalı avtomobil toqquşub.

Nəticədə "VAZ 21011" markalı avtomobildə olan sərnişin 1956-cı il təvəllüdlü Xankişiyev Murad Fazil oğlu aldığı müxtəlif dərəcəli bədən xəsarətlərindən hadisə yerində ölüb. "VAZ 21099" markalı avtomobilin sürücüsü Əzizov Feruz Raqub oğlu, avtomobildə olan sərnişin 2003-cü il təvəllüdlü Ağayev Mirəli Mehman oğlu, "VAZ 21011" markalı avtomobilin sürücüsü Sultanlı Əziz İlqar oğlu müxtəlif dərəcəli bədən xəsarətləri alaraq Bərdə RMX-yə yerləşdirilib. Ağayev Mirəli Mehman oğlu xəstəxanada dünyasını dəyişib.

Araşdırma aparılır.

Habil Aslanoğlu, Ziya İsmayılov, APA TV