İrəvanda dövlət bayrağımıza qarşı bir alışqanlıq “qəhrəman”lıq
Ermənistanda ağır atletika üzrə Avropa çempionatının açılış mərasimində Azərbaycan bayrağının yandırılması bu ölkənin Azərbaycana qarşı dövlət səviyyəsində yürütdüyü nifrət siyasətinin bariz nümunəsidir. 11 aprel təxribatının ardınca bu hadisənin baş verməsi bir daha sübut edir ki, Ermənistanda Azərbaycan xalqına qarşı etnik zəmində nifrət hökm sürür. Bu həm də Ermənistanda rasizmin, milli və dini ayrıseçkiliyin yüksək həddə olduğunu aydın göstərir.
Avropa çempionatının rəsmi açılış hissəsində iştirakçı dövlətin bayrağının yandırılması o deməkdir ki, bu ölkə beynəlxalq tədbirləri qəbul etməyə və keçirməyə layiq deyil. Yaxın keçmişə nəzər yetirdikdə müqayisə etsək görərik ki, 2015-ci ildə Azərbaycanda keçirilən ilk Avropa Olimpiya oyunlarında erməni idmançının təltif edilməsi zamanı soydaşlarımızın etiraz səsləri dəmir yumruğun sahibinin bir işarəsi ilə kəsildi. Bir arifanə hərəkət kifayət etdi ki, zalda sakitlik yarandı. Bu həm də xalqın öz liderinə sevgisi, rəğbəti və dərin hörməti idi.
Bax, idmanda və siyasətdə Azərbaycan nümunəsi əslində belə olur.
Heç şübhəsiz ki, liderinə belə hörmət qoymayan xalq, digər dövlətlərə və bu dövlətlərin atributlarına nə hörmət qoyacaq ki?
Deputat Arzu Nağıyev deyir ki, Avropa və dünyanın idman təşkilatları Ermənistanda dövlət səviyyəsində yürüdülən rasizm və nifrət siyasətini sərt şəkildə qınamalıdır. Ermənistanda hər hansı beynəlxalq tədbirin keçirilməsinə qadağa tətbiq etməlidirlər. Eyni zamanda, bayrağımızı yandıran stilist Aram Nikolyana qarşı sərt tədbir görülməlidir.
Politoloq Xəyal Bəşirlinin fikrincə isə bu gün Ermənistanda Azərbaycan bayrağının yandırılması bu ölkədə vəhşi siyasətin yürüdüldüyünü sübut edir. Bu, irqçiliyin və ksenofobiyanın necə yüksək səviyyədə olmasının növbəti təsdiqidir. Ermənistan heç də sivilizasiyaya, mədəniyyətə sahib ölkə deyil.
Qeyd edək ki, aprelin 14-də Ermənistanın paytaxtı İrəvanda keçirilən ağır atletika üzrə Avropa çempionatının açılış mərasimində milli nifrət və düşmənçiliyin dərinləşməsinə yönəlmiş nümayişkəranə hərəkətlərlə Azərbaycan bayrağı yandırılıb. Ermənistanda Azərbaycana qarşı etnik zəmində nifrət və düşmənçiliyin təcəssümü olan həmin faktla bağlı Baş Prokurorluğun İstintaq idarəsində Cinayət Məcəlləsinin 12.2, 283.2.1, 12.2, 283.2.2 və 12.2, 324-cü maddələri ilə cinayət işi başlanıb. Milli nifrət və düşmənçiliyin salınmasına yönəlmiş bu cinayət əməlini törədən Aram Nikolyan və digərlərinin milli və beynəlxalq məhkəmə məsuliyyətinə cəlb edilmələri məqsədilə xarici ölkələrin müvafiq orqanlarına müraciətlərin göndərilməsi və onların cəzalandırılmaları üçün beynəlxalq təşkilatlarla əməkdaşlıq edilməsi təmin olunacaq.
DİGƏR XƏBƏRLƏR
![Valideynlər narkomaniyaya düçar olan övladını necə tanısın? – APA TV](https://apa.az/storage/apa-tv/news/2024/july/02/big/6684412821d6e6684412821d6f17199434646684412821d6b6684412821d6c.jpg)
Valideynlər narkomaniyaya düçar olan övladını necə tanısın? – APA TV
![Taksilərin sayı azaldı, minimum qiyməti isə 4.50 AZN oldu](https://apa.az/storage/apa-tv/news/2024/july/01/big/6682be55512976682be555129817198444376682be55512956682be5551296.jpg)
Taksilərin sayı azaldı, minimum qiyməti isə 4.50 AZN oldu
![Taksi fəaliyyətində istifadə olunacaq avtomobillərlə bağlı yeni qərar qüvvəyə mindi](https://apa.az/storage/apa-tv/news/2024/july/01/big/66823df42a73f66823df42a740171981157266823df42a73d66823df42a73e.jpg)
Taksi fəaliyyətində istifadə olunacaq avtomobillərlə bağlı yeni qərar qüvvəyə mindi
![Gəncədə ağır yol qəzası baş verib](https://apa.az/storage/apa-tv/news/2024/july/01/big/66823dae71e8766823dae71e88171981150266823dae71e8566823dae71e86.jpg)