Qəbələ sakinini Ucarda ilan sancdı
18:58
19 may 2021
Qəbələ rayon sakinini Ucarda ilan sancıb.
APA TV-nin yerli bürosunun xəbərinə görə, Qəbələ rayon sakini, 1962-ci il təvəllüdlü Rafəddin Mustaqovu Ucar rayonunun Yuxarı Şilyan kəndində ilan vurub.
Zərərçəkən Ucar Mərkəzi Rayon Xəstəxanasının reanimasiya şöbəsinə yerləşdirilib. Həkimlər tərəfindən vəziyyəti ağır qiymətləndirilən Rafəddin Mustaqov müalicəsini davam etdirmək məqsədi ilə Bakıdakı xəstəxanaların birinə göndərilib.
Məlumata görə, kənddə çoban kimi çalışan Rafəddin Mustaqovu gürzə ilanı dodaq nahiyəsindən dişləyib.